Saturday, March 22, 2014

මමයි ඔබාමයි...

දේශපාලනය කියන්නේ මට තිත්තම subject එක. 

එත් කරන රස්සාවේ හැටියට ලෝක දේශපාලනය ගැන නිතරම අවදියෙන් ඉන්න මට, බරක් ඔබාමා කියන චරිතය මීටර් වෙන්නේ 2008 අවුරුද්දේ. එතකොට ඉලිනොයි ප්‍රාන්තයේ සෙනෙට් සභිකයෙක් වෙලා හිටපු ඔබාමා, ඇමරිකානු ජනාධිපතිවරණයට තරග කරන හැටි දැක්කම මටත් හිත ගියා ඔබාමට.

මනා පෞර්ශය, සිත් ඇද ගන්නා කතා විලාශය, නිහතමානි බව සහ තවත් කාරනා ගොඩක් හින්දා මට ඔබාමා ගැන විමසිල්ලෙන් නොඉඳ බැරි උනා. 

වෙලාවකට මටම හිතෙනවා මිෂෙල් ඔබාමා වත් ඔබාමා ගැන මම තරම් හොයන්නේ නැතුව ඇති කියල. :D 

ඇමරිකාව ලංකාවට කරන කෙනහිලිකම් පැත්තක තියල, ඇමරිකාවේ ඉඳල ඔබාමා දෙවන ධුර කාලයට තරග කරනකොට, මමත් ලංකාවේ ඉඳල ඔබාමාව අගය කරලා ඔබාමා ගැන පුංචි news එකක් කරලා සහයෝගය නොදුන්නා කිව්වොත් එක බොරුවක්.

ඉතින් එහෙම සහයෝගය දීල, ඔබාමා නූලෙන් දින්නම වැඩියෙන්ම සතුටු උනෙත් මම.

දුක කියන්නේ, මම මේ තරම් ඔබාමාව දන්නවා උනාට ඔබාමා ඉතින් මාව දන්නේ නැහැ නේ..

කොහොම උනත්, අපි හැමෝටම රාජකාරී ජීවිතෙයි, පෞද්ගලික ජීවිතෙයි එක එක හීන තියනවානේ.

ඔය දෙකටම පොදුවූ මගේ එක හීනයක් තමයි කවදා හරි දවසක බරක් ඔබාමා ඇත්තටම මුණගැහෙන එක....

අන්න එදාට සමහර විට ඔබාමත් කියයි, එයාත්  මාව දන්නවා කියලා !!


අදහස...

කාලෙක ඉඳලා හිතේ තිබුන අදහසක් තමයි blog එකක් හදන්න ඕනේ කියන එක. මීට අවුරුදු 4 කට විතර කලින් ඒ අදහස මගේ ඔලුවට දැම්මේ සාරංග පතිරණ. 

දවසක් සාරංග මගේ ලඟට ඇවිත් ඇහුව "දැක්කද මගේ blog එක කියල". එතකොට අපි එකට වැඩ කලේ වෙනත් ආයතනයක. blogs ගැන අහල තිබුන උනාට එකෙන් හරියටම කරන්නේ මොකද්ද කියන කාරණේ ගැන මට ඒ හැටි දැනුමක් තිබ්බේ නෑ. ඉතින් blog එක ගැන විස්තර අහල මම කිව්වා, "මගේ අම්මේ, සරා දියුණු වෙච්ච තරම කියලා..."  

කොහොම හරි සරාගෙ blog එක දැකල මටත් හිතුනා blog එකක් හදන්න. එදා සරා මට හදන්න ඕනේ හැටි පියවරෙන් පියවර කියල දුන්නට මේ වතාවේ නම් මටයි එයාටයි දෙන්නටම වැඩේ කරන්නේ කොහොමද කියලා අමතක වෙලා තිබ්බේ. ඒ නිසා උපදෙස් ගන්න සරා මාව යොමු කළා අපේ ඔෆිස් එකේ තාක්ෂණික ප්‍රශ්න වලට ක්ෂණික විසදුම් හොයල දෙන නිරෝෂ් මයිත්‍රී ලඟට.

එක කෝල් එකෙන් මෛත්‍රී කට පාඩමින් වගේ blog එක හදා ගන්න හැටි කියල දුන්නා.

ඉතින් දැන් සාරංග පතිරණටයි නිරෝෂ් මයිත්‍රීටයි ගොඩක් thank you කියල මම අද ඉඳල blog එකක් maintain කරන්නයි යන්නේ.